ماتقولي
أيه تاني لسه فاضلي
كل الكاسات المرة
أتصبت وشربتها
كل الجراح كل الألام
كل ألوان العذاب عشتها
قول يابحر ومايهمكش
صاحبك خلاص مابيتوجعش
ماعدش في مكان لألم
ولاعاد فيه مكان لجرح
ماتفتكرش
الدموع دي دموع ندم
ولاتفتكرها دموع فرح
ولاحتي دموع ألم
دي الدموع نازلة
في الخد تحفر
والغريبة مابقتش توجع
وتصرخ كمان مهما تصرخ
كل الودان مابقتش تسمع
خليك صريح أنت وقولي
أيه ياصاحبي لسة فاضلي
أوعي تخبي ياصاحبي عني
وماتقولش أنك أقوي مني
خايف في يوم أنسي الجراح
وهي ترجع تفتكرني
قول ياصاحبي وماتخبيش
أنا بالجراح برضه هاعيش
وأوعي تخاف
علي قلبي من نزيفها
وألا أشوف عينيك بتبكي
لما تشوف مكان سيوفها
بس تصدق سيوف الألم
دلوقتي مابتوجعنيش
يالا قول يابحر
قول وماتخبيش
ليست هناك تعليقات:
إرسال تعليق