مملكة أمير الحب

الحب اجمل ما فى الدنيا عارفين اجمل الحياه انك تحب انسانه او انك تحبى انسان ياه للاحساس والمشاعر الى بيحس بيها القلب والجسد ياه للفكر الى بيطير ليه العقل للكلام مش عارف اقول ايه لان الحب مش بيتوصف بالكلام الحب احساس بالاوهام اجمل المشاعر انك تحب عارفين الحب عامل زى السعاده او البسمه الى ببترسم على الوجه جميل ان يكون عقلك وقلبك دايما سعيد ومبسوط من افعال مش ملموسه دى افعال جوا جسدك من شعور قلبك بالحب , اى اتنيين بيحبوا بعض لما بيكونوا مع بعض بيتبادلوا اجمل المشاعر واجمل الافعال الحب مش كلام يتقال الحب افعال تبين الى قدامك انك ممكن تفعل اى شىء من اجل حبه ياما الكلام اتقال وياما الشعر انكتب وياما القلب انسعد بس بيحصل فراق عارفين فى نوعين للرجال نوع عاطفى ويملك المشاعر والكلمات والاحساس الى بيتمناه اى بنت بس ممكن يحصل معاه فراق لان مابيكونش جادى فى الارتباط ونوع اخر يكون جادى من الارتباط وقادر على الاستمرار بس للاسف غير قادر على الحب والرومانسيه والشعور بكلمات الحب والاحساس ايهما تفضل , زى برده فى بنات يكونوا رومانسيين ويعطوا المشاعر والاحساس قبل الولد ويحبوا المرح والسعاده ويخلوا من يحبها يسعد بحبه لها من افعالها وكلامها الجميل وشعورها الاجمل الى بينتج عنه سعادتها وانها تكون مرحه على طول بأفعالها , و فى نوع اخر من البنات انها تأخد ولا تعطى ان الولد يتبادل بالمشاعر والاحساس وهى تأخذ ولا تعطى يمادحها من يحبها ويفعل ليها كل شىء وهى تتبادله بروح الكسوف اكنها اجمل واحده فى الدنيا ودا نوع وحش جدا وللاسف بيحصل فى مجتمعنا دلوقتى ايهما تفضل ,الحب هو قلب واحد ومشاعر واحده كل من الاخر يتبادلون الشعور لبعض مش للحب بس( لآ) دا لامور الحياه من كل شىء يعنى مش البنت تاخذ ومش تعطى , مش تاخذ الهدايه والاحساس والمشاعر وانه ينفق عليها وهى تستقبل بس دا يبقا استغلال مش حب ودا الى بيحصل فى المجتمع دلوقتى على فكره قليل الا لما تلاقى بنات جدعه شويه انها تعطى بالمقابل او اكتر او انها تفكر فى الاعطاء لماتحب , كتير منا بيحب حب غريزه او حب شهوه او حب مصلحه او حب وقت وهايعدى لاننا مش بنراعى ربنا فى الحب او اننا مش بنخاف على شعور من نحب خلى فى عقلك المقوله (كماتدين تدان) والحياه اصغر ما يتوقعها اى شخص والمشكله ان الانسان لما بيفعل فى اى حد شىء انه يأذيه بأى شىء هايدين بدا واخذ العبد غير أخذ الرب ان اخذ ربنا لشديد عندما تتذكر قدرتك على ظلم الناس فتذكر قدره الله عليك , اتمنا من كل حبيبيين انهم يراعوا الحب بينهم ما يتمنوش الفراق او يسيبوا القدره على كل شىء قسمه ونصيب علشان مايندموش فى الاخر